Futbol mutaxassisi Aleksandr TOChilin «Yevro-Futbol.Ru» nashriga bergan eksklyuziv intervyusida FIFA prezidenti Janni Infantinoning Rossiya jamoalariga qoʻyilgan taqiqni bekor qilish haqidagi fikrlari hamda OAVda tilga olinayotgan — Xalqaro Olimpiya qoʻmitasi (MOQ) Rossiya sportiga nisbatan sanksiyalarni yaqin fursatda olib tashlashi mumkinligi haqidagi xabarlarni izohladi. Bu haqda euro-football.ru xabar beradi.
TOChilinning taʼkidlashicha, bunday qarorga ishonishni istaydi, chunki bu mavzu anchadan beri muhokama qilinadi. Uningcha, Rossiya atrofidagi “izolyatsiya”ni yumshatish uchun Yevropada prinsipial siyosiy qaror kerak. Ekspertning fikricha, rossiyalik sportchilarsiz yirik musobaqalarda raqobat va tomoshabin qiziqishi pasayadi.
Infantino Rossiya terma va klublarining chetlatilishini “maʼnosiz” deb atagani haqida soʻralganda, TOChilin buni dunyodagi umumiy tendensiyaning bir qismi sifatida baholadi. U Rossiyaga nisbatan ikki xil standart va biryoqlamalik kuzatilayotganini, biroq vaqt oʻtishi bilan taqiqning oʻzi ham “absurd” ekanini ko‘proq odamlar anglayotganini aytdi.
MOQ sanksiyalarni bekor qilsa, bu futbolga ham taʼsir qilishi mumkinmi, degan savolga TOChilin ijobiy javob berdi. Uning fikricha, MOQ kabi yirik tuzilma qadam tashlasa, bu boshqalarga ham “zanjirli reaksiya” bo‘lib, FIFA va UEFA ham qarorlarini qayta ko‘rib chiqishi ehtimolini oshiradi. Bu jarayonda eng muhim masala — kim birinchi bo‘lib boshlashi.
Infantino kelajakda siyosat sabab jamoalarni musobaqalardan chetlatishni qonuniy taqiqlash kerakligini aytgani yuzasidan TOChilin sportning asosiy shiori “siyosatdan tashqarida” bo‘lishi kerakligini eslatdi. U Rossiyaga nisbatan qabul qilingan qarorlar aynan shu tamoyilga zid ekanini qayd etdi.
OAVda FIFA aprel oyidagi kongressda Rossiyaning xalqaro turnirlarga to‘liq qaytishi masalasini muhokama qilishi mumkinligi haqida xabarlar tarqalgani ham tilga olindi. TOChilin bunday muddatlarda qaytish ehtimolini istisno etmadi va bu kabi maʼlumotlar odatda “asossiz paydo bo‘lmasligi”ni qo‘shimcha qildi.
Ekspert Rossiya qaytganidan keyin ham ayrim raqiblar maydonga tushishdan bosh tortishi mumkinligi haqidagi savolga ham to‘xtaldi. Uningcha, har bir tashkilotda reglament bor va u har qanday sabab bilan buzilsa, unda belgilangan intizomiy choralar qo‘llanishi shart. TOChilin texnik mag‘lubiyatlar amaliyoti boshqalarga ham signal bo‘lib, bunday demarshlar oxir-oqibat o‘zlariga zarar yetkazishini anglatishini aytdi.
Elena Grigoryevskaya
“Zamin”ni Telegramʻda oʻqing!
