A Seriyaning 24-turida «Lecce» o'z maydonida «Udinese»ni qabul qildi va uch ochkoni so'nggi daqiqalarda ilib ketdi. Bu haqda euro-football.ru xabar beradi.
Uchrashuvning 5-daqiqasida Yesper Karlstremning xatosidan so'ng Omri Gandelman hisobni ochdi — 1:0. 26-daqiqada esa Umar Sole penaltidan aniq zarba berib, darvozabonni aldadi va muvozanatni tikladi — 1:1.
O'yin oxirlariga borib «Lecce» bosimni kuchaytirdi: Konan N'Dri uzoq masofadan yo'llagan zarbasida nishonni juda ozgina boy berdi. Hal qiluvchi epizod 90-daqiqada yuz berdi — Lamek Banda jarima zarbasini aniq ijro etib, to'pni to'rga joyladi va mezbonlarga g'alabani taqdim qildi — 2:1.
Bu natija «Lecce»ning g'alabasiz seriyasiga yakun yasadi va jamoa quyi ligaga tushib ketish zonasidan uch ochkoga uzoqlashdi. «Udinese» esa turnir jadvalida sakkizinchi o'rinni boshqa jamoalar bilan bo'lishib turibdi.
“Zamin”ni Telegramʻda oʻqing!
