Krishtianu Ronaldu atrofidagi vaziyat «Al-Nasr» bosh murabbiyi Jorje Jezusning klubdagi keyingi taqdiriga bevosita ta'sir qilishi mumkin. Bu haqda euro-football.ru xabar beradi.
Portugaliyalik mutaxassis klub bilan kelishuvga ko'p jihatdan o'zining yulduzli vatandoshi omili sabab rozi bo'lgani aytilmoqda. 41 yoshli hujumchi esa jamoa o'yinlarini boykot qilishda davom etmoqda va yozda klubni tark etishi ehtimoli bor. Al Nassr Zone Saudiya OAVlariga tayanib xabar berishicha, Jezus Ronaldu masalasi hal bo'lmaguncha «Al-Nasr» bilan shartnomani uzaytirish bo'yicha muzokara qilishni istamayapti. 71 yoshli murabbiyning amaldagi bitimi mavsum yakunida tugaydi.
Jorje Jezus «Al-Nasr»dagi ishini 2025 yil iyulida boshlagan. Bungacha u ikki yil davomida «Al-Hilol»ni boshqargan.
“Zamin”ni Telegramʻda oʻqing!
