«Inter» mojarosi kuchaydi, jazo xavfi jiddiylashmoqda...
"Inter" klubi hakamlik bilan bog'liq yirik mojaro markazida qoldi: Milan prokuraturasi hakamlar korpusi rahbari Janlukka Rokkani jamoa o'yinlariga "qulay" hakamlarni tayinlashda gumon qilmoqda. Mazkur holat yuzasidan firibgarlik bo'yicha jinoyat ishi qo'zg'atilgan bo'lib, gumonlanuvchi Rokka allaqachon o'z lavozimini tark etgan. Agar ayblovlar o'z tasdig'ini topsa, klub 2023–2024-yillardagi chempionlik unvonidan mahrum qilinishi, ochkolari olib tashlanishi yoki hatto B Seriyaga tushirib yuborilishi mumkin. Ushbu vaziyat Italiya futboli uchun navbatdagi jiddiy sinov bo'lib, "Inter"ning nufuzi va kelajagiga og'ir zarba berishi kutilmoqda.
Italiya chempionatida yetakchilik qilayotgan «Inter» klubi atrofida katta shov-shuvli holat yuzaga keldi. AGI nashri tarqatgan maʼlumotlarga koʻra, milanliklar hakamlik bilan bogʻliq mojaro markazida qolmoqda.
Manbaga koʻra, Milan prokuraturasi Italiya hakamlar korpusi rahbari Janlukka Rokkani «Inter» oʻyinlariga “qulay” hakamlarni tayinlashda gumon qilmoqda. Tergov versiyasida aytilishicha, u ayrim uchrashuvlarga muayyan hakamlarni ataylab belgilab, bu orqali jamoa manfaatlariga xizmat qilgan boʻlishi mumkin.
Agar ushbu ayblovlar oʻz tasdigʻini topsa, oqibatlar juda jiddiy boʻlishi mumkin. Xususan, «Inter» 2023–2024 yilgi chempionlik unvoni va 2024 yilgi Superkubok gʻalabasidan mahrum qilinishi ehtimoli bor.
Bundan ham ogʻir jazolar ssenariysi istisno qilinmayapti. Amaldagi reglamentga koʻra, ochkolarni kamaytirish, hatto klubni yuqori diviziondan chiqarish — yaʼni V Seriyaga tushirish kabi keskin choralar ham qoʻllanilishi mumkin.
Maʼlumotlarga koʻra, ushbu ish doirasida firibgarlik boʻyicha jinoyat ishi qoʻzgʻatilgan va shundan soʻng Janlukka Rokka oʻz lavozimini tark etgan.
Qisqacha aytganda, bu holat Italiya futboli uchun navbatdagi jiddiy sinov boʻlishi mumkin. Agar ayblar isbotlansa, «Inter» uchun bu nafaqat mavsum, balki butun klub tarixi uchun ogʻir zarbaga aylanishi ehtimoldan yiroq emas.
Izohlar 0
…