Bundesliganing 21-turida «Kyoln» o'z maydonida «RB Leipzig»ni qabul qildi va keskin kechgan o'yinda 1:2 hisobida mag'lub bo'ldi. Bu haqda euro-football.ru xabar beradi.
Uchrashuv boshida Said el-Mala xavfli vaziyat yaratdi, biroq darvozabon ishonchli harakat qildi. Shundan so'ng Davud Raumning zarbasi ham posbonni ishga soldi, epizod davomida Romulo Kruz to'pni ustunga mixlab qo'ydi. «Leipzig» yana bir imkoniyatda Ksaver Shlager jarima maydonida qulay pozitsiyadan noaniq tepdi. 29-daqiqada esa «Kyoln» darvozaboni qo'pol xatoga yo'l qo'ydi va Kristof Baumgartner bosh bilan hisobni ochdi — 0:1.
Ikkinchi bo'lim boshida Yan Tilmann tashabbusni o'z qo'liga oldi va hisobni tenglashtirdi — 1:1. Oradan besh daqiqa o'tib Shlager hujumni yanada o'tkirlashtirdi, Baumgartner esa yana bir bor aniq yakunlab, mehmonlarni yana oldinga olib chiqdi — 1:2. Yakub Kaminyaskida javob goli uchun imkoniyat bo'ldi, ammo uning zarbasi muvaffaqiyatsiz chiqdi.
Ushbu g'alabadan keyin «RB Leipzig» turnir jadvalida 4-o'ringa ko'tarilib, «Shtutgart»ni ortda qoldirdi. «Kyoln» esa 10-pog'onada qolmoqda.
“Zamin”ni Telegramʻda oʻqing!
