Cubot kompaniyasi yangi GT5 aqlli soatini taqdim etdi. Qurilmaning narxi 95 dollarni tashkil etadi va u o‘zining texnik imkoniyatlari bilan ushbu narx segmentida ajralib turadi. Bu haqda Ixbt.com xabar beradi.
Yangi modelning asosiy o‘ziga xosligi — oflayn xaritalarni qo‘llab-quvvatlashidir. Beshta sun’iy yo‘ldosh tizimi bilan ishlaydigan GNSS moduli tufayli soat smartfonga bog‘liq bo‘lmagan holda navigatsiya vazifasini bajara oladi. Shuningdek, belgilangan yo‘nalishdan chetga chiqilganda ogohlantirish funksiyasi mavjud bo‘lib, bu yugurish va piyoda yurish ishqibozlari uchun juda qulaydir.
Qurilma 1,43 dyuymli AMOLED displey bilan jihozlangan va 5 ATM darajasidagi suvdan himoyaga ega. Ichki xotirasi 256 MB ni tashkil etadi. Shuningdek, soatda elektron altimetr va barometr mavjud bo‘lib, ular ob-havo o‘zgarishlarini kuzatish imkonini beradi.
Salomatlik ko‘rsatkichlari uchun optik yurak urishi va SpO2 datchiklari o‘rnatilgan. Batareya quvvati oddiy rejimda 12 kungacha, tejamkor rejimda esa 30 kungacha yetadi.
“Zamin”ni Telegramʻda oʻqing!
