Bundesliganing 21-turida "Kyoln" o‘z maydonida "RB Leyptsig"ni qabul qildi. Uchrashuv keskin vaziyatlarga boy bo‘ldi va mehmonlar minimal ustunlik bilan g‘alaba qozondi. Bu haqda euro-football.ru xabar beradi.
Dastlab Said el-Mala xavfli epizod yaratdi, biroq darvozabon ishonchli harakat qildi. Oradan ko‘p o‘tmay David Raum zarbasi ham posbonni sergak torttirdi, hujum davomida esa Romulo Kruz to‘pni ustunga tekkizib qo‘ydi. Keyin Xaver Shlager qulay pozitsiyadan noaniq zarba berdi. 29-daqiqada "Kyoln" darvozaboni qo‘pol xatoga yo‘l qo‘ydi va Kristof Baumgartner bosh bilan hisobni ochdi — 0:1.
Ikkinchi bo‘lim boshida Yan Tilmann tashabbusni o‘z qo‘liga olib, hisobni tenglashtirdi — 1:1. Biroq besh daqiqa o‘tib Shlager hujumni keskinlashtirdi, Baumgartner esa yana bir bor gol urib, "Leyptsig"ni yana oldinga olib chiqdi — 1:2. Yakub Kaminskiyda hisobni tenglashtirish uchun imkoniyat bo‘ldi, ammo zarbasi juda omadsiz chiqdi.
Ushbu g‘alabadan so‘ng "RB Leyptsig" turnir jadvalida "Shtutgart"ni ortda qoldirib, 4-o‘ringa ko‘tarildi. "Kyoln" esa 10-pog‘onada qoldi.
“Zamin”ni Telegramʻda oʻqing!
