"Arsenal" yarim himoyachisi Mikel Merino oyog'idan olgan og'ir jarohati ortidan jarrohlik amaliyotini boshdan kechirdi. Futbolchi shifoxona palatasidan surat joylab, muxlislariga holati haqida ma'lum qildi. Bu haqda euro-football.ru xabar beradi.
Merinoning yozishicha, operatsiya muvaffaqiyatli o'tgan va u endi maydonga qaytishga bir qadam yaqinlashgan. Shuningdek, u qo'llab-quvvatlovchi xabarlar va e'tibor uchun barchaga minnatdorlik bildirib, bu unga tiklanish jarayonida yanada ko'proq kuch berayotganini ta'kidladi.
2025/2026 yilgi mavsumda Merino 33 ta uchrashuvda qatnashib, 6 ta gol urdi va 3 ta golli uzatmani amalga oshirdi.
"Arsenal" hozirda APL jadvalida peshqadamlik qilmoqda va klub 2004 yildan beri ilk bor Angliya chempionligini qo'lga kiritishni maqsad qilgan.
“Zamin”ni Telegramʻda oʻqing!
