Oʻzbekiston Superligasining 9-turi doirasidagi soʻnggi bahs Toshkentda boʻlib oʻtdi. Unda mahalliy «Bunyodkor» oʻz maydonida «Andijon»ni qabul qildi. Qiziqarli va shiddatli kechgan uchrashuv yakunida mehmonlar 3:1 hisobida ishonchli gʻalabani qoʻlga kiritdi.
Oʻyinning ilk daqiqalaridanoq «Andijon» faol harakat qildi va 6-daqiqada Imeda Ashortira hisobni ochdi. Bu gol mehmonlarga ruhiy ustunlik berdi va ular oʻyinni nazorat qilishda davom etdi.
Ikkinchi boʻlimda «Bunyodkor» hisobni tenglashtirishga urindi, ammo «burgutlar» hujumda yanada samaraliroq boʻlishdi. 71-daqiqada Usmonali Ismonaliyev hisobni 2:0 ga yetkazdi. Oradan ikki daqiqa oʻtib, maydonga zaxiradan tushgan Azizbek Turgʻunboyev uchinchi golni urdi va uchrashuv taqdirini amalda hal qildi.
Faqat oʻyinning qoʻshimcha daqiqalarida Narimon Ahmadjonov mezbonlar nomidan bitta javob golini urdi. Biroq bu gol natijaga taʼsir koʻrsata olmadi.
Superliga. 9-tur
Bunyodkor – Andijon 1:3
Gollar: Imeda Ashortia, 6 (0:1), Usmonali Ismonaliyev, 71 (0:2), Azizbek Turgʻunboyev, 73 (0:3), Narimon Ahmadjonov 90+2 (1:3)
Bunyodkor: 16.Federiko Botti, 4.Najmiddin Normurodov, 6.Boburbek Yoʻldoshev, 8.Dmitriy Pletnyov (66.Azizbek Toʻlqunbekov, 23), 10.Amir Toʻraqulov (9.Matiya Krivokapich, 46), 15.Marko Bugarin, 17.Muzaffar Olimjonov (7.Shahboz Umarov, 67), 21.Nosirjon Abdusalomov, 23.Asadbek Rahimjonov, 28.Samandarjon Mavlonqulov (11.Sardor Abdunabiyev, 46), 77.Bilolxon Toshmirzayev (18.Narimon Ahmadjonov, 78)
Andijon: 1.Eldor Adhamov, 2.Odilbek Abdumajidov, 6.Aleksandre Androkinashvili, 9.Imeda Ashortia (17.Azizbek Turgʻunboyev, 46), 11.Humoyunmirzo Iminov (7.Poʻlatxoʻja Xoldorxonov, 46), 15.Nemanya Chalasan, 22.Usmonali Ismonaliyev, 26.Muhammadkarim Toirov (18.Damir Temirov, 69), 27.Martin Boake (10.Dragan Cheran, 46), 28.Bekzod Sulaymonov (33.Doniyor Abdumannopov, 46), 77.Mahmudjon Mahamadjonov.
Ushbu gʻalabadan soʻng «Andijon» ochkolari sonini 10 taga yetkazib, turnir jadvalida 12-pogʻonaga koʻtarildi. «Bunyodkor» esa 16 ochko bilan 4-oʻrinda qoldi.
Qisqasi, «Andijon» Toshkentda katta sensatsiya qilib, kuchli raqib ustidan ishonchli zafarga erishdi. Muxlislar esa jamoadan shunday natijalarni yana davom ettirishni kutib qolmoqda.
“Zamin”ni Telegramʻda oʻqing!
