Ispaniya La Ligasi peshqadami "Barselona" navbatdagi tur doirasida "Xetafe" mehmoni bo'ladi. Ushbu uchrashuv 25 aprel kuni Toshkent vaqti bilan 20:15 da start olishi belgilangan. Hans-Diter Flik shogirdlari ayni damda turnir jadvalida "Real Madrid"dan 9 ochko oldinda bormoqda va chempionatda ketma-ket sakkizta g'alabani qo'lga kiritdi. Bu haqda Goal.com xabar beradi.
Mezbonlar o'z maydonida kataloniyaliklar uchun noqulay raqib hisoblanadi. "Xetafe" o'z uyida o'tgan so'nggi beshta o'yinda "Barselona"ga mag'lub bo'lmagan. Hozirda jadvalning oltinchi pog'onasini egallab turgan jamoa o'zining mustahkam himoyasi va uy uchrashuvlaridagi ishonchli o'yini bilan ajralib turadi.
Har ikki jamoa tarkibida jiddiy yo'qotishlar mavjud. Mehmonlar safida Rafinya, Andreas Kristensen va Erik Garsiya maydonga tusha olmaydi. Shuningdek, Lamin Yamal, Joau Kanselo va Mark Bernalning ishtiroki so'roq ostida turibdi. Mezbonlar esa Xuanmi, Borxa Mayoral va Zaid Romero xizmatidan foydalana olmaydi, biroq Domingos Duarte diskvalifikatsiyadan so'ng safga qaytgan.
“Zamin”ni Telegramʻda oʻqing! 
