SSSR terma jamoasining sobiq darvozaboni Aleksandr Uvarov yaqin yillarda Rossiya va Isroil terma jamoalari o‘rtasida o‘rtoqlik uchrashuvi bo‘lib o‘tishi mumkinligini aytdi. Hozirda Uvarov Tel-Avivning “Makkabi” klubi yoshlar jamoasida darvozabonlar murabbiyi sifatida faoliyat yuritmoqda. Bu haqda euro-football.ru xabar beradi.
Uning fikricha, bu o‘yinni tashkil etishga jiddiy to‘siqlar yo‘q. Uvarov Metaratings nashriga bergan izohida, agar Rossiya tomoni tashabbus ko‘rsatsa, 2026 yilda Rossiya va Isroil terma jamoalari bahsini ko‘rishimiz mumkinligini ta’kidladi.
Shuningdek, Uvarov Rossiya va Isroil futbol federatsiyalari o‘rtasidagi munosabatlar juda yaxshi ekanini qayd etdi.
Rossiya terma jamoasi sanksiyalar sharoitida faqat o‘rtoqlik uchrashuvlarini o‘tkaza oladi. Mart oyidagi yig‘in uchun raqiblar hozircha e’lon qilinmadi.
“Zamin”ni Telegramʻda oʻqing!
