Myunxenning «Bavariya» klubida yozgi transferlar bo‘yicha yo‘nalish aniq belgilandi. The Touchline xabariga ko‘ra, jamoa bu safar xavfi past, ammo qaytimi yuqori bo‘lishi mumkin bo‘lgan futbolchilarga urg‘u bermoqda. Bu haqda euro-football.ru xabar beradi.
Rejaga ko‘ra, «Bavariya» bir nechta yosh ijrochilarni tarkibga qo‘shmoqchi: ular yo darhol asosiy jamoada foyda berishi, yo keyinchalik transfer orqali klubga moliyaviy daromad keltirishi kerak.
Demak, joriy yilda myunxenliklar yirik yulduzlarni olib kelishni ko‘zlamayotgandek. Bunday yondashuv jamoaga qanchalik kerak — bu endi bahsli savol.
«Bavariya» Germaniya chempionatida peshqadamlik qilmoqda va asta-sekin Chempionlar ligasi 1/8 finalining mart oyidagi uchrashuvlariga tayyorgarlikni kuchaytiryapti. Raqib nomi qish yakunida ma’lum bo‘ladi.
“Zamin”ni Telegramʻda oʻqing!
