Turinning “Yuventus” klubi va Italiya terma jamoasining sobiq darvozaboni Janluiji Buffon hozirgi paytda eng istiqbolli italiyalik futbolchi kimligini aytdi. Uning fikricha, bu — “Inter” tarkibida to‘p surayotgan Pio Esposito. Bu haqda euro-football.ru xabar beradi.
Buffon Espositoning yaqin kelajakda katta sahnada, jumladan jahon chempionatida ham o‘zini yorqin ko‘rsatishiga umid qilayotganini ta’kidladi.
“Men Espositoni shaxsan kuzatganman va u menda juda katta taassurot qoldirdi. U kamtar, professionalligi yuqori, motivatsiyaga to‘la va ishtiyoq bilan o‘ynaydi. Hech ikkilanmay uni jahon chempionatiga Italiya terma jamoasi tarkibiga olgan bo‘lardim”, — deb Buffonning so‘zlarini calcionapoli1926.it keltirdi.
Eslatib o‘tamiz, hozirda Milanning “Inter” jamoasi Italiya chempionati turnir jadvalida peshqadamlik qilmoqda.
“Zamin”ni Telegramʻda oʻqing!
