Pep Gvardiola Ser Aleks Fergyuson rekordiga yaqinlashmoqda

Pep Gvardiola faoliyatidagi 41-sovrinini qo‘lga kiritdi. Bu natija ispaniyalik mutaxassisning murabbiylik faoliyati naqadar yuqori darajada kechayotganini yana bir bor ko‘rsatib turibdi.

Gvardiola «Manchester Siti»ga kelganidan beri jamoa bilan 20-kubogini qo‘lga kiritdi. U Angliya klubida qisqa vaqt ichida katta davr yaratib, «shaharliklar»ni doimiy ravishda sovrinlar uchun kurashadigan jamoaga aylantirdi.

Bu haqiqatan ham dahshatli natija. Endi Pep Gvardiolaga Ser Aleks Fergyuson rekordiga yetib olish uchun yana 8 ta sovrin kerak bo‘ladi.