Manchester Siti Angliya futbolidagi o‘z hukmronligini yana bir bor namoyish etib, Uembli stadionida Chelsi ustidan qiyin g‘alabaga erishdi va ichki kuboklar dublini rasmiylashtirdi. Pep Guardiola shogirdlari 1:0 hisobidagi g‘alaba evaziga mavsumdagi navbatdagi sovrinni Etihad muzeyiga olib ketishdi. Bu haqda Goal.com xabar beradi.
Ushbu g‘alaba Pep Guardiolani Angliya futboli tarixidagi eng buyuk murabbiylardan biri sifatidagi maqomini yanada mustahkamladi. Kataloniyalik mutaxassis Angliya futboli tarixida ichki kuboklar dublini (FA Cup va Liga kubogi) ikki marta qayd etgan ilk murabbiyga aylandi. U bunga qadar 2018-2019-yilgi mavsumda ham muvaffaqiyat qozongan edi.
Uembli stadionidagi keskin kechgan bahsda taktik intizom va jismoniy kurashlar ustunlik qildi. O‘yin taqdirini hal qilgan yagona gol Manchester Siti g‘alabasini ta’minladi va jamoa o‘z tarixidagi sakkizinchi Angliya kubogini qo‘lga kiritdi.
Shu tariqa, Manchester Siti Angliya futbolida ichki kuboklar dublini ikki marta bajargan Liverpul klubi bilan bir qatorga chiqib oldi. Shuningdek, Siti ketma-ket sakkiz marta Angliya kubogi yarim finaliga chiqqan tarixdagi ilk jamoa sifatida ham rekord o‘rnatdi.
“Zamin”ni Telegramʻda oʻqing!
