Myunxenning «Bavariya» klubi hujumchisi Garri Keyn joriy mavsum yakunida treblni qo‘lga kiritish ehtimoli haqida fikr bildirdi. Bu haqda euro-football.ru xabar beradi.
Keynning aytishicha, bunday natija real, biroq klub hali maqsadga yetib kelmagan. U jamoa hech qachon o‘zini ortiqcha erkalatmasligini, hozircha barcha musobaqalarda kurash davom etayotganini ta’kidladi. Hujumchiga ko‘ra, jamoaning o‘yini va klub ichidagi muhit trebl uchun umid beradi, ammo buning uchun omad ham, vaziyatlarning foydali tomonga og‘ishi ham zarur. Shuningdek, barqaror natijalarni ushlab turish va jarohatlardan qochish muhim. «Biz esa hozir qilayotgan ishimizga e’tiborni qaratishimiz kerak», dedi u matbuot anjumanida.
Garri Keyn 2023 yilda «Tottenhem»dan «Bavariya»ga 95 mln yevro evaziga ko‘chib o‘tgan. Uning shartnomasi 2027 yil 30 iyungacha mo‘ljallangan. Joriy mavsumda forvard 34 uchrashuvda maydonga tushib, 39 gol urdi va 5 ta golli uzatma amalga oshirdi.
“Zamin”ni Telegramʻda oʻqing!
