«Al-Nasr» bosh murabbiyi Jorje Jezush Krishtianu Ronaldu yaqinlashib kelayotgan bahsda maydonga tushmasligini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida «Arkadag»ga qarshi o'ynaydi. Portugaliyalik yulduz futbolchi tez orada jamoaga qaytishi kutilayotgan bo'lsa-da, bu safargi uchrashuvda ham u ro'yxatdan joy olmaydi.
Jezushning ta'kidlashicha, tig'iz taqvim sabab Ronaldo va asosiy tarkibdagi yana bir nechta futbolchiga dam berish qarori qabul qilingan. Murabbiy buni oldinda turgan «Al-Fateh»ga qarshi muhim o'yin bilan izohladi.
Al Nassr Zone keltirgan iqtibosda Jezush shuningdek, Ronalduning dam olishi yangilik emasligini, ayniqsa Saudiya Arabistonidan tashqarida o'tadigan o'yinlarda u avval ham bir necha bor ishtirok etmaganini eslatib o'tdi.
Saudiya Pro-ligasidagi «Al-Fateh» – «Al-Nasr» uchrashuvi shanba kuni, 14 fevralda bo'lib o'tadi.
“Zamin”ni Telegramʻda oʻqing!
