"Roma" hujumchisi Paulo Dibala faoliyatida Lionel Messi bilan ham, Krishtianu Ronaldu bilan ham bir jamoada to'p surgan. U futbol olamidagi doimiy bahs — qaysi biri kuchliroq — mavzusiga ham munosabat bildirib, aniq birini tanlashdan tiyildi. Bu haqda euro-football.ru xabar beradi.
Dibalaning fikricha, Messi va Ronaldu texnik jihatdan turlicha: har birining kuchli tomonlari boshqa-boshqa. Biroq ularni birlashtiradigan asosiy nuqta mentalitet — ikkisi ham g'alaba uchun "yonadigan", raqobatda chekinmaydigan futbolchilar ekanini ta'kidladi. Bu haqda La Gazzetta dello Sport nashri uning so'zlarini keltirdi.
Eslatib o'tamiz, Messi faoliyati davomida "Oltin to'p"ni 8 marta qo'lga kiritgan, Ronaldu esa 5 bor ushbu sovrinni yutgan. Hozir Messi "Inter Mayami" safida, Ronaldu esa "Al-Nasr" klubida o'ynamoqda.
“Zamin”ni Telegramʻda oʻqing!
