O‘zbekiston terma jamoasi hujumchisi va Istanbul Basakshehir klubi futbolchisi Eldor Shomurodov Turkiya chempionatida eng sermahsul o‘yinchi bo‘lib turibdi. Bu haqda euro-football.ru xabar beradi.
21-fevral holatiga ko‘ra, Shomurodov «gol+pas» tizimida 20 ochko jamg‘ardi: 16 ta gol va 4 ta golli uzatma. Shu ko‘rsatkich bilan u turnir to‘purarlar ro‘yxatida ham yetakchilik qilmoqda.
Galatasaray yulduzlari bilan taqqoslaganda ham Eldor ancha oldinda: Mauro Ikardining barcha uchrashuvlardagi gollari 13 tani tashkil etsa, Viktor Osimxen milliy chempionat doirasida 9 martagina raqib darvozasini ishg‘ol etgan.
Eslatib o‘tamiz, Shomurodov to‘p tepayotgan O‘zbekiston terma jamoasi Shimoliy Amerikada o‘tkaziladigan 2026 yilgi jahon chempionatiga yo‘llanma olgan.
“Zamin”ni Telegramʻda oʻqing!
