Madridning “Real” jamoasi markaziy himoyachi Antonio Ryudigerni Chempionlar ligasida “Benfika”ga qarshi bahsda start tarkibiga qaytarishga qaror qildi. Bu haqda euro-football.ru xabar beradi.
“Qirollik klubi” pley-off bosqichi javob uchrashuvida “burgutlar”ni o'z maydonida qabul qiladi. Uchrashuv chorshanba kuni bo'lib o'tadi. “Gazeta.Ru” Diario AS'ga tayanib yozishicha, Alvaro Arbeloa boshchiligidagi murabbiylar shtabi La Ligada “Osasuna”ga qarshi o'yinda (1:2) zaxirada qolgan Ryudigerni bu safar ilk daqiqalardan maydonga tushirishni rejalashtirmoqda.
Shu bilan birga, “Real” 32 yoshli futbolchining salomatligini xavf ostiga qo'ymaslik niyatida: u to'liq tiklanib olmaguncha, haftasiga ikki marta o'ynatishdan tiyilmoqchi.
Eslatib o'tamiz, ilk uchrashuvda Arbeloa jamoasi Lissabonda “Benfika”ni 1:0 hisobida mag'lub etgandi.
“Zamin”ni Telegramʻda oʻqing!
