Мадриднинг «Реал» жамоаси марказий ҳимоячи Антонио Рюдигерни Чемпионлар лигасида «Бенфика»га қарши баҳсда старт таркибига қайтаришга қарор қилди. Бу ҳақда euro-football.ru хабар беради.
«Қироллик клуби» плей-офф босқичи жавоб учрашувида «бургутлар»ни ўз майдонида қабул қилади. Учрашув чоршанба куни бўлиб ўтади. «Газета.Ru» Diario AS'га таяниб ёзишича, Альваро Арбелоа бошчилигидаги мураббийлар штаби Ла Лигада «Осаcуна»га қарши ўйинда (1:2) захирада қолган Рюдигерни бу сафар илк дақиқалардан майдонга туширишни режалаштирмоқда.
Шу билан бирга, «Реал» 32 ёшли футболчининг саломатлигини хавф остига қўймаслик ниятида: у тўлиқ тикланиб олмагунча, ҳафтасига икки марта ўйнатишдан тийилмоқчи.
Эслатиб ўтамиз, илк учрашувда Арбелоа жамоаси Лиссабонда «Бенфика»ни 1:0 ҳисобида мағлуб этганди.
“Zamin”ни Telegram'да ўқинг!
