Myunxenning «Bavariya» klubida to‘p surayotgan 18 yoshli futbolchi Lennart Karl faoliyatining boshidagi tezkor o‘sish uni unchalik ham hayratga solmaganini aytdi. Bu haqda euro-football.ru xabar beradi.
Yosh hujumkor yarimhimoyachi joriy mavsumda grand tarkibida muntazam maydonga tushmoqda. 22 fevral kuni u 18 yoshga to‘ldi.
«Ba’zan bo‘layotgan voqealarga hayron qolgandek bo‘ldim, ammo ich-ichimdan bunga qodir ekanimni bilardim. Tinimsiz mehnat qildim. Juda xursandman, lekin o‘sish uchun doim joy bor. Keyinroq ko‘proq gol urib, ko‘proq golli pas berishni, qolgan jihatlarda ham kuchayishni istayman», — deya Karlning Kicker’ga bergan intervyusidan «Gazeta.Ru» iqtibos keltirdi.
Shanba, 28 fevral kuni «Bavariya» Bundesliga doirasida safarda eng yaqin ta’qibchisi — Dortmundning «Borussiya» jamoasiga qarshi bahs o‘tkazadi.
“Zamin”ni Telegramʻda oʻqing!
