O‘zbekiston milliy jamoasi va «Istanbul Bashakshehir» hujumchisi Eldor Shomurodov Turkiya Superligasida eng sermahsul o‘yinchi sifatida peshqadamlikni qo‘lga oldi. Bu haqda euro-football.ru xabar beradi.
21 fevral holatiga ko‘ra, Shomurodov «gol+pas» tizimida 20 ochko jamg‘argan: 16 ta gol urgan va 4 ta golli uzatma bergan. Shu natija uni turnir to‘purarlari ro‘yxatining birinchi pog‘onasiga olib chiqdi.
«Galatasaray» yulduzlari bilan taqqoslaganda ham Eldorning ko‘rsatkichlari yuqoriroq: Mauro Ikardining barcha o‘yinlarda 13 ta goli bor, Viktor Osimhen esa milliy chempionat doirasida 9 marta raqib darvozasini ishg‘ol qilgan.
Eslatib o‘tamiz, Shomurodov to‘p surayotgan O‘zbekiston milliy jamoasi 2026 yil Shimoliy Amerikada o‘tkaziladigan jahon chempionatiga yo‘llanmani qo‘lga kiritgan.
“Zamin”ni Telegramʻda oʻqing!
