Hozir Braziliya terma jamoasini boshqarayotgan mashhur murabbiy Karlo Anchelotti Krishtianu Ronaldu haqida fikr bildirdi. Bu haqda euro-football.ru xabar beradi.
Anchelottining aytishicha, Ronaldu u ishlagan futbolchilar orasida eng professionallaridan biri. Murabbiy bir voqeani ham esladi: portugaliyalik yulduz bir kuni unga «Haddan ortiq suv o‘simlikni o‘ldiradi» deganini aytgan. Anchelotti bu ibora futbolchining yuklamadan keyingi tiklanish qanchalik muhimligini anglatishini ta’kidladi va ko‘plab jarohatlar aynan ortiqcha zo‘riqish sabab yuz berishini qo‘shimcha qildi. Uning so‘zlarini Cadena SER keltirdi.
41 yoshli Krishtianu Ronaldu ayni paytda Saudiya Arabistonining «An-Nasr» klubida to‘p surmoqda. Uning shartnomasi 2027 yil o‘rtalarigacha mo‘ljallangan. Ronaldu faoliyati davomida besh marta «Oltin to‘p» sovrinini qo‘lga kiritgan.
“Zamin”ni Telegramʻda oʻqing!
