Argentina chempionatida bir haftalik tanaffus e’lon qilindi: 9-tur uchrashuvlari keyinroq sanada o‘tkaziladi. Bunga mamlakat futbol federatsiyasi atrofida yana bir bor ko‘tarilgan korrupsiya va moliyaviy shubhalar sabab bo‘ldi. Bu haqda euro-football.ru xabar beradi.
E’tiborlisi, 7 va 8-tur o‘yinlari reja bo‘yicha o‘tadi, pauza esa aynan 9-turga to‘g‘ri keladi. Taqvimga ko‘ra, bu tur 5–8 mart kunlari bo‘lib o‘tishi kerak edi. Qaror 5 mart kuni AFA prezidenti Klaudio Tapia tribunal oldida javob berishi kutilayotgani bilan bog‘lanmoqda.
derbyderbyderby.it xabariga ko‘ra, sobiq futbolchilar va xodimlarga pensiya to‘lovlari bilan bog‘liq sxema orqali 19 milliard peso miqdoridagi soliq to‘lovlaridan qochilgan bo‘lishi mumkin. Yevroda hisoblanganda bu qariyb 12 millionni tashkil etadi. Shuningdek, federatsiya pul yuvish jarayonlarida ham ishtirok etgan bo‘lishi ehtimoli tilga olinmoqda.
“Zamin”ni Telegramʻda oʻqing!
