Turkiyaning ikki grandi — Galatasaray va Fenerbahche safidagi futbolchilar noqonuniy stavkalar bilan bog'liq ish bo'yicha qamoq jazosi xavfi ostida qolmoqda. Bu haqda euro-football.ru xabar beradi.
Gap Galatasaray vakili Metehan Baltajchi hamda Fenerbahchening sardori Mert Hakan Yandash haqida ketmoqda. Mahalliy qonunchilik doirasida Baltajchi 13 yilgacha, Yandash esa 17 yilgacha ozodlikdan mahrum etilishi mumkin.
Sabah nashri ma'lumotiga ko'ra, Baltajchi kamida ikki marta Galatasaray o'yinlariga pul tikkan. U o'sha uchrashuvlarda asosiy tarkibdan joy olmagan bo'lsa-da, jamoa qaydnomasiga kiritilgan — bu holat futbolchining o'yin natijasiga ta'sir o'tkazish ehtimolini oshiradi.
Amaldagi turk qonunlariga ko'ra, u bukmekerlarga professional sportchi ekanini oldindan ma'lum qilishi shart edi, biroq futbolchi bu talabni bajarmagan.
“Zamin”ni Telegramʻda oʻqing!
