Қурбон ҳайити намозининг ўқилиш вақтлари эълон қилинди

Ўзбекистон Мусулмонлари идораси 28 июнь куни масжидларда Қурбон ҳайити намозини ўқиш вақтларини маълум қилди. Унга кўра, Тошкент шаҳридаги жоме масжидларда эрталаб соат 05:15 да Қурбон ҳайити намози ўқилади.

Ўзбекистоннинг бошқа ҳудудларидаги масжидларда Қурбон ҳайити намози қуйидаги вақтлар тафовутини инобатга олган ҳолда адо этилади:

1. Андижон – 05:10
2. Наманган – 05:10
3. Фарғона – 05:10
4. Тошкент шаҳри – 05:15
5. Тошкент вилояти – 05:20
6. Сирдарё – 05:25
7. Жиззах – 05:30
8. Самарқанд – 05:35
9. Навоий – 05:40
10. Қашқадарё – 05:40
11. Бухоро – 05:40
12. Сурхондарё – 05:40
13. Хоразм – 05:50
14. Қорақалпоғистон Рес. – 05:50

Маълум қилинишича, жадвалда кўрсатилган вақтлар қуёш чиққанидан кейин 20-25 дақиқалик фарқни инобатга олиб белгиланди.

Эслатиб ўтамиз, Ўзбекистон мусулмонлари идораси Уламолар кенгаши жорий йилда Қурбон ҳайитининг биринчи куни 28 июнь – чоршанба кунига тўғри келиши тўғрисида хулоса қилди. Унга кўра, қабул қилинган президент фармони билан ўзбекистонликлар қуйидаги кунларда дам олади:

• 28 июнь, чоршанба — Қурбон ҳайити байрами;
• 29 июнь, пайшанба — иш ҳафтаси туридан қатъи назар барча ходимлар учун қўшимча дам олиш куни;
• 30 июнь, жума — иш ҳафтаси туридан қатъи назар барча ходимлар учун қўшимча дам олиш куни;
• 1 июль, шанба — 6 кунлик иш ҳафтасидаги ходимлар учун қўшимча дам олиш куни;
• 2 июль, якшанба — тақвим бўйича дам олиш куни.

“Замин” янгиликларини “Одноклассники”да кузатиб боринг