Qurbon hayiti namozining o‘qilish vaqtlari e’lon qilindi

O‘zbekiston Musulmonlari idorasi 28 iyun kuni masjidlarda Qurbon hayiti namozini o‘qish vaqtlarini ma’lum qildi. Unga ko‘ra, Toshkent shahridagi jome masjidlarda ertalab soat 05:15 da Qurbon hayiti namozi o‘qiladi.

O‘zbekistonning boshqa hududlaridagi masjidlarda Qurbon hayiti namozi quyidagi vaqtlar tafovutini inobatga olgan holda ado etiladi:

1. Andijon – 05:10
2. Namangan – 05:10
3. Farg‘ona – 05:10
4. Toshkent shahri – 05:15
5. Toshkent viloyati – 05:20
6. Sirdaryo – 05:25
7. Jizzax – 05:30
8. Samarqand – 05:35
9. Navoiy – 05:40
10. Qashqadaryo – 05:40
11. Buxoro – 05:40
12. Surxondaryo – 05:40
13. Xorazm – 05:50
14. Qoraqalpog‘iston Res. – 05:50

Ma’lum qilinishicha, jadvalda ko‘rsatilgan vaqtlar quyosh chiqqanidan keyin 20-25 daqiqalik farqni inobatga olib belgilandi.

Eslatib o‘tamiz, O‘zbekiston musulmonlari idorasi Ulamolar kengashi joriy yilda Qurbon hayitining birinchi kuni 28 iyun – chorshanba kuniga to‘g‘ri kelishi to‘g‘risida xulosa qildi. Unga ko‘ra, qabul qilingan prezident farmoni bilan o‘zbekistonliklar quyidagi kunlarda dam oladi:

• 28 iyun, chorshanba — Qurbon hayiti bayrami;
• 29 iyun, payshanba — ish haftasi turidan qat’i nazar barcha xodimlar uchun qo‘shimcha dam olish kuni;
• 30 iyun, juma — ish haftasi turidan qat’i nazar barcha xodimlar uchun qo‘shimcha dam olish kuni;
• 1 iyul, shanba — 6 kunlik ish haftasidagi xodimlar uchun qo‘shimcha dam olish kuni;
• 2 iyul, yakshanba — taqvim bo‘yicha dam olish kuni.

“Zamin” yangiliklarini “Instagram”da kuzatib boring