Honor смартфонларига DeepSeek V4 сунъий интеллекти ўрнатилди
"Honor" компанияси "Ёё" овозли ассистентига янги "DeepSeek V4" сунъий интеллект моделини интеграция қилди. Ушбу технология билан жиҳозланган "Ёё" дунёдаги биринчи Android-агентга айланди. Ҳозирда янгиланиш фақат Хитой бозоридаги қурилмалар учун мўлжалланган. "DeepSeek V4 Pro" модели юқори интеллектуал тизимни яратишга хизмат қилиб, фойдаланувчиларга янги функциялар тақдим этади.
"Honor" компанияси ўзининг "Ёё" овозли ассистентига янги авлод сунъий интеллекти — "DeepSeek V4" моделини интеграция қилганини эълон қилди. Мазкур технология билан жиҳозланган "Ёё" ушбу турдаги имкониятга эга бўлган дунёдаги биринчи Android-агентга айланди. Бу ҳақда Ixbt.com хабар беради.
Ҳозирча ушбу янгиланиш фақат Хитой бозори учун мўлжалланган қурилмаларда ишламоқда.
Компания томонидан тақдим этилган расмий тизерда "DeepSeek V4 Pro" модели тилга олинган бўлиб, у ўта кучли интеллектуал тизимни яратишга хизмат қилиши таъкидланган. Янги функция "Ёё AI Агент" иловасининг 90.10.28.041 версиясида пайдо бўлади.
Тизимни янгилаган фойдаланувчилар "MagicOS 8.0" ва ундан юқори операцион тизимда ишловчи қурилмаларда ушбу технологиядан фойдаланишлари мумкин.
Фойдаланувчилар сунъий интеллектни ёқиш учун қувват тугмасини босиб туришлари ва махсус бўлим орқали "DeepSeek V4"ни фаоллаштиришлари лозим. Маълумот ўрнида айтиш жоизки, "DeepSeek" яқинда ўзининг V4 моделини икки хил кўринишда — кучли "Pro" ва тежамкор "Флаш" версияларида тақдим этган эди.
Синов натижаларига кўра, "Pro" версияси очиқ кодли моделлар орасида фақат "Google Gemini-Pro-3.1"дан ортда қолмоқда.
Изоҳлар 0
…