OnePlus Норд CE6 Lite смартфони 7000 mAch сиғимли батарея билан сотувга чиқади

"OnePlus" компанияси Ҳиндистонда янги "Норд CE6 Lite" смартфонини 7 май куни расман намойиш этишини эълон қилди. Қурилманинг асосий техник хусусиятлари ва ташқи кўриниши "Amazon Индиа" савдо платформасида эълон қилинди. Бу ҳақда Ixbt.com хабар беради.

Янги моделнинг энг муҳим жиҳати унинг 7000 mA/соат сиғимли аккумулятори бўлиб, у узоқ муддатли автономликни таъминлайди.

Ишлаб чиқарувчининг маълумотларига кўра, батарея камида 6 йил хизмат қилишга мўлжалланган. Аккумулятор 1600 марта қувватлаш циклидан сўнг ҳам ўзининг дастлабки сиғимининг 80 фоизини сақлаб қолади.

Бу кўрсаткич бюджет сегментидаги смартфонлар учун юқори натижа ҳисобланади.

Қурилма "MediaTek Dimensity 7400 Апех" процессори базасида ишлайди ва "AnTuTu" тестида 1 миллиондан ортиқ балл тўплаган. Смартфон 144 герсли экран, 50 мегапикселли камера ҳамда "Android 16" асосидаги "OxygenOS 16" қобиғи билан жиҳозланган.

Дастлабки маълумотларга кўра, "OnePlus Норд CE6 Lite" нархи 265 доллардан ошмайди.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг