Чат-бот Gemini энди ўзбек тилини қўллаб-қувватлайди, деб хабар берди Рақамли технологиялар вазирлиги. Ўзбек тилидан ташқари, сунъий интеллект ёрдамчиси инглиз, рус, украин ва жами 40 га яқин тилда ишлаш имкониятига эга.
Бу воқеа Ўзбекистонда рақамли технологиялар ва сунъий интеллект экотизимини ривожлантириш йўлида муҳим қадам бўлди. Мазкур янгилик мутахассислар, тадбиркорлар ҳамда кенг доирадаги фойдаланувчилар учун замонавий ечимлардан она тилида фойдаланиш имконини яратади, деб таъкидланди вазирлик томонидан.
Шунингдек, жорий йилнинг кузида Google AI Plus обунаси Ўзбекистон фойдаланувчилари учун тақдим этилди. Унинг ойлик нархи 5 АҚШ долларини ташкил этади.
Gemini (инглиз тилида “эгизаклар”) Google томонидан ишлаб чиқилган сунъий интеллект моделлари серияси бўлиб, чат-бот ва шахсий ёрдамчи сифатида хизмат қилади. У фойдаланувчилар билан мулоқот қилиш, матнлар, кодлар, тасвирлар яратиш қобилиятига эга.
Ботнинг биринчи версияси 2023 йил март ойида ишга туширилган эди.
Меҳмон гуруҳидаги фойдаланувчилар ушбу мақолага изоҳ қолдира олмайди.
