Chat-bot Gemini endi o‘zbek tilini qo‘llab-quvvatlaydi, deb xabar berdi Raqamli texnologiyalar vazirligi. O‘zbek tilidan tashqari, sun’iy intellekt yordamchisi ingliz, rus, ukrain va jami 40 ga yaqin tilda ishlash imkoniyatiga ega.
Bu voqea O‘zbekistonda raqamli texnologiyalar va sun’iy intellekt ekotizimini rivojlantirish yo‘lida muhim qadam bo‘ldi. Mazkur yangilik mutaxassislar, tadbirkorlar hamda keng doiradagi foydalanuvchilar uchun zamonaviy yechimlardan ona tilida foydalanish imkonini yaratadi, deb ta’kidlandi vazirlik tomonidan.
Shuningdek, joriy yilning kuzida Google AI Plus obunasi O‘zbekiston foydalanuvchilari uchun taqdim etildi. Uning oylik narxi 5 AQSH dollarini tashkil etadi.
Gemini (ingliz tilida “egizaklar”) Google tomonidan ishlab chiqilgan sun’iy intellekt modellari seriyasi bo‘lib, chat-bot va shaxsiy yordamchi sifatida xizmat qiladi. U foydalanuvchilar bilan muloqot qilish, matnlar, kodlar, tasvirlar yaratish qobiliyatiga ega.
Botning birinchi versiyasi 2023 yil mart oyida ishga tushirilgan edi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
