АҚШда кучли шамол оқибатида 3 киши ҳалок бўлди » Ўзбекистон янгиликлари – Zamin.uz

АҚШда кучли шамол оқибатида 3 киши ҳалок бўлди

Дунё 19-11-2015, 16:54 516

Американинг Вашингтон штатига 19 ноябрь, пайшанбага ўтар кечаси кучли шамол ёпирилди. Охирги маълумотларга қараганда уч киши қурбон бўлди, деб хабар беради «РИА Новости».

АҚШда кучли шамол оқибатида 3 киши ҳалок бўлди

Монро шаҳри яқинида автомобиль устига дарахтнинг қулаши оқибатида унинг ҳайдовчиси қурбон бўлди. Яна икки нафар аёл Спокан шаҳри яқинида қулаган дарахтлар остида қолиб, ҳалок бўлди.

Штатнинг 185 мингга яқин уйи электрсиз қолди. Ноқулай об-ҳаво туфайли штат губернатори Жей Инсли фавқулодда вазият эълон қилди.

Вашингтон шарқидаги Спокан шаҳри округида кучли шамол натижасида мактаблар ёпилди. Маҳаллий энергетика компаниясининг маълум қилишича, электр таъминотини қайта тиклаш учун уч кундан беш кунгача вақт талаб этилиши мумкин.


Манба: Daryo.uz


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.