Facebook фойдаланувчилари сони 1,5 миллиард нафардан ошди » Ўзбекистон янгиликлари – Zamin.uz

Facebook фойдаланувчилари сони 1,5 миллиард нафардан ошди

Facebook фойдаланувчилари сони 1,5 миллиард нафардан ошди

2015 йилнинг учинчи чорагида Facebook ижтимоий тармоғидаги аккаунтлар сони 60 миллионтага ошди. 30 октябрь ҳолатига кўра, дунё миқёсида 1,55 миллиард фойдаланувчи мазкур ижтимоий тармоқда ўз саҳифасини очган. Бу ҳақда “ВВС” телеканали га асосланиб “Kun” нашри хабар берди. Мазкур кўрсаткич ҳар ойда ошиб бормоқда.

Интернетга кирган америкаликларнинг 20 фоиз вақти Facebook ва Instagram учун сарфланмоқда, дея тасдиқламоқда компания маъмурияти. Сентябрь ойида мобил қурилмалар орқали ижтимоий тармоқларда мулоқот қилган фойдаланувчилар сони 27 фоизга ортиб, 894 миллион нафарни ташкил этди.
“Ўртача ва узоқ муддатли истиқболда Facebook ва Instagram ўзаро рақобат қилмайди, деб ҳисоблаймиз.

Биз бошқа оммавий ахборот воситалари билан рақобатга киришамиз”, - деди компаниянинг бош операцион раҳбари Шерил Сандберг Reuters агентлигига.
2015 йилнинг учинчи чорагида компания даромади 2014 йилнинг худди шу даврига нисбатан 45,4 фоизга ортиб, 4,3 миллиард долларга етди. Ўз навбатида, харажатлар миқдори ҳам 68 фоизга ортиб, 3 миллард долларни ташкил этди.

“Ўсиш барча йўналишлар бўйича кузатилмоқда”, - деди Сандберг.
Facebook ижтимоий тармоғига 2004 йилнинг 4 февралида Марк Цукерберг ва унинг Гарвард университетида таҳсил олган уч хонадоши томонидан асос солинган. 10 йил давомида Facebook дунёдаги энг йирик ижтимоий тармоққа айланди.
Instagram —сурат ва видеороликларни бепул алмашиш учун ташкил этилган мобил илова. 2012 йилнинг апрел ойида Instagram Facebook компанияси томонидан сотиб олинган.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru