Samsung Galaxy S6 смартфони 2600 мА-с ли аккумулятор билан жиҳозланади » Ўзбекистон янгиликлари – Zamin.uz

Samsung Galaxy S6 смартфони 2600 мА-с ли аккумулятор билан жиҳозланади

Samsung Galaxy S6 смартфони 2600 мА-с ли аккумулятор билан жиҳозланади

Интернетда Samsung компаниясининг янги флагман смартфони Samsung Galaxy S6 ҳақида маълумотлар берилиши давом этмоқда. Барселонада бўладиган MWC 2015 халқаро анжумани олдидан 1 мартда бўлиб ўтадиган Unpacked тадбирида янги смартфоннинг намойиши бўлиб ўтади. Айни пайтда Galaxy S6 ҳақида анча маълумот олинган. Эндиликда, унга ўрнатиладиган аккумулятор ҳақида маълумот берилди.

Хабар берилишича, смартфонга 2600 мА-с ли аккумулятор ўрнатилади. Бу Samsung Galaxy S5’даги аккумулятор ҳажмидан кичикроқ, Galaxy S5’да 2800 мА-с ли аккумулятор ўрнатилган.

Хабарларга кўра, Samsung Galaxy S6 ҳам iPhone 6 каби ингичка бўлади, яъни унинг қалинлиги 6,9 миллиметрни ташкил қилади. Кўринишидан, айнан шунинг учун ҳам кичиқроқ ҳажмдаги аккумулятор ўрнатишга қарор қилинган. Samsung Galaxy S6 смартфони
5,1-дюймли QHD кўрсатиш қобилиятига эга бўлган Super AMOLED-дисплейи, саккиз ядроли Samsung Exynos 7420 процессори, 3 ГБ тезкор хотира ва 20-Мп ли асосий камера билан жиҳозланади. Samsung Galaxy S6 уч хил – 32, 64 ва 128 ГБ ички хотира билан жиҳозланган кўринишда тақдим этилади. Бир вақтда Samsung Galaxy S6 смартфонининг букилувчан экранли кўриниши ҳам тақдим этилиши кутилмоқда.

Манба: www.kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru