8 947
Qozog‘iston prezidenti Islom Karimov qabriga gul qo‘yib, Tatyana Karimovaga hamdardlik bildirdi
Qozog‘iston prezidenti Nursulton Nazarboyev bugun O‘zbekistonga ishchi tashrifi davomida Samarqandda Islom Karimov xotirasiga hurmat bajo keltirdi.
Nursulton Nazarboyev Samarqanddagi Hazrati Xizr masjidi hududidagi Islom Karimov qabriga gullar qo‘ydi va Islom Karimovning oila a’zolariga hamdardlik bildirdi.
Qozog‘iston rahbari yig‘ilganlarga yuzlanib, Islom Karimov bilan uzoq yillar davomida do‘st bo‘lib kelgani, u bilan hamisha bir-birini yaxshi tushungani haqida so‘zlagan.
"Ishonaman, o‘zbekistonliklarning keyingi avlodi hamisha Islom Karimovni yodda saqlaydi. Uning merosi, davlat arbobi sifatidagi faoliyatidan qozonilgan tajribalar kelgusi avlod tomonidan o‘rganiladi. U amalga oshirgan ishlar esa o‘zbek xalqi tarixiga oltin harflar bilan bitiladi. U butun dunyoga xalq farovonligi uchun mamlakatning iqtisodiy salohiyatini oshirgan islohotchi sifatida ma’lum siyosiy etakchi edi. Biz buyuk insonni yo‘qotdik", degan Nursulton Nazarboyev.
Nursulton Nazarboyev O‘zbekistonning birinchi prezidenti ikki xalqning tarixiy aloqalari mustahkamlanishidagi o‘rnini e’tirof etgan.
"Qozoq va o‘zbek xalqlari har doim bir-biriga elkadosh bo‘lgan. Biz Islom Abdug‘anievich bilan 1998 yili Xoja Ahmad Yassaviy maqbarasi oldida abadiy do‘stlik to‘g‘risidagi bitimni imzolaganmiz va bizning munosabatlarimiz har doim shu bitimga asoslangan. Qozog‘iston har doim o‘zbek xalqining yonida bo‘lgan va shunday bo‘lib qoladi", deya qo‘shimcha qilgan Nazarboyev.
Shuningdek, qo‘shni davlat rahbari ishchi tashrif davomida O‘zbekiston prezidenti vazifasini vaqtincha bajaruvchi Shavkat Mirziyoyev bilan alohida uchrashuv o‘tkazishni rejalashtirgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Osvensimda minglab yahudiylar «Tiriklar marshi» aksiyasini o‘tkazdi
Rossiyada amerikalik askar o‘g‘rilikda ayblanib qo‘lga olindi
Kutilmagan natijalarga boy Dushanbe “Katta Dubulg‘a” turniri yakuniga yetdi
Yaponiyada tish o‘stiruvchi dunyodagi birinchi dori sinovdan o‘tkaziladi
Qozog‘istonlik milliarder Angliya klubini sotib oldi
Polsha tashqi ishlar vaziri: “Xitoy Putinni urushni to‘xtatishga majburlashi mumkin”
Samarqandda maktab o‘quvchisini urib yuborgan haydovchining o‘zi ham o‘quvchi ekan