Ўзбекистонда 1 октябрдан электр энергияси тўлови қимматлашади » Ўзбекистон янгиликлари – Zamin.uz

Ўзбекистонда 1 октябрдан электр энергияси тўлови қимматлашади

Ўзбекистонда 1 октябрдан электр энергияси тўлови қимматлашади

Ёқилғи энергия бойликлари таннархи ошиш муносабати билан «Ўзбекенерго» АЖ 2015 йилнинг 1 октябридан бошлаб электр энергиясининг нархлари ошганлигини маълум қилди.

Янги тарифлар Ўзбекистон Республикаси Молия вазирлиги томонидан тасдиқланган 2015 йил 15 сентябрдаги 19-03-22-05-ЎзР-90-2015 сонли Реестри асосида ўрнатилган.

Охирги марта Ўзбекистонда 2015 йилнинг 15 май кунида электр энергияси учун тарифлар кўтарилганди.

Янги тарифларга кўра, аҳолига бериладиган 1 кВт/с электр энергияси ҳақи 155 сўмдан 167,40 сўмгача, электр плитаси билан таъминланган хонадонлар учун 77,5 сўмдан 83,7 сўмгача ошиши белгиланган.

Эслатиб ўтамиз, Тошкент шаҳрида 1 октябрдан совуқ сув ва иссиқ сув ҳамда иситиш тизимлари таъминоти хизмати учун ҳам янгиланган тарифлар жорий этилади.

Шунингдек, бироз олдинроқ, Ўзбекистонда табиий газ учун 1 октябрдан бошлаб тўловлар ошиши маълум қилинди.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru