13:06 / 16.09.2015
9 624

O‘zbekistonda 1 oktyabrdan elektr energiyasi to‘lovi qimmatlashadi

O‘zbekistonda 1 oktyabrdan elektr energiyasi to‘lovi qimmatlashadi
Yoqilg‘i energiya boyliklari tannarxi oshish munosabati bilan «O‘zbekenergo» AJ 2015 yilning 1 oktyabridan boshlab elektr energiyasining narxlari oshganligini ma’lum qildi.

Yangi tariflar O‘zbekiston Respublikasi Moliya vazirligi tomonidan tasdiqlangan 2015 yil 15 sentyabrdagi 19-03-22-05-O‘zR-90-2015 sonli Reestri asosida o‘rnatilgan.

Oxirgi marta O‘zbekistonda 2015 yilning 15 may kunida elektr energiyasi uchun tariflar ko‘tarilgandi.

Yangi tariflarga ko‘ra, aholiga beriladigan 1 kVt/s elektr energiyasi haqi 155 so‘mdan 167,40 so‘mgacha, elektr plitasi bilan ta’minlangan xonadonlar uchun 77,5 so‘mdan 83,7 so‘mgacha oshishi belgilangan.

Eslatib o‘tamiz, Toshkent shahrida 1 oktyabrdan sovuq suv va issiq suv hamda isitish tizimlari ta’minoti xizmati uchun ham yangilangan tariflar joriy etiladi.

Shuningdek, biroz oldinroq, O‘zbekistonda tabiiy gaz uchun 1 oktyabrdan boshlab to‘lovlar oshishi ma’lum qilindi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » O‘zbekistonda 1 oktyabrdan elektr energiyasi to‘lovi qimmatlashadi
[/banner_pushhouse