Америкалик реп ижрочиси Ники Минаж АҚШ президентининг Нигериядаги насронийлар хавфсизлигига эътибор қаратгани учун миннатдорчилик билдирди. Бу ҳақда Оқ Уй томонидан тарқатилган баёнотда маълум қилинган.
"Мен АҚШ президентига бу масалани устувор деб билиб, глобал миқёсда етакчилик кўрсатгани ва Нигериядаги насронийларни ҳимоя қилиш учун тезкор чоралар кўришга чақиргани учун миннатдорчилик билдирмоқчиман", деди Минаж. Ники Минаж (асл исми — Оника Таня Мараж) америкалик реп ижрочиси, қўшиқчи ва қўшиқлар муаллифи бўлиб, Тринидад ва Тобаго келиб чиқишига эга.
У 2010-йилларнинг бошида ўзининг ёрқин қиёфаси, агрессив услуби ва "Super Bass", "Starships" ҳамда "Anaconda" каби хитлари билан дунё миқёсида машҳурликка эришган. У кўплаб мусиқий мукофотлар соҳибаси бўлиб, хип-хоп жанрида энг нуфузли аёллардан бири ҳисобланади.
Меҳмон гуруҳидаги фойдаланувчилар ушбу мақолага изоҳ қолдира олмайди.
