Криштиану Роналду Португалияда қурилган янги, ҳашаматли уйига кўчиб ўтиши мумкин. Мазкур кўчмас мулкнинг қурилиши якунланди ва у 30 миллион евродан юқори қийматга баҳоланмоқда. Бу уй мамлакатдаги энг йирик ва энг қиммат резиденциялардан бири бўлиб, 48 километр узоқликда жойлашган қирғоқ ҳудудида турибди. Унда португалиялик юлдузнинг 12 миллион фунт стерлинглик суперкарлар коллекцияси учун алоҳида ер ости автопарки ҳам мавжуд.
Уйнинг қурилиши уч йилдан ортиқ вақт давом этган. Унга 8 та ётоқхона, улкан шиша бассейн, ер остидан кузатиладиган сув йўлаги, ақлли иситиш тизими, спорт зали, ёпиқ ва очиқ бассейнлар, массаж хонаси ва кинозал каби барча замонавий шароитлар мавжуд.
Роналду ва унинг оиласи учун уйда ҳар бир шароит яратилган. 5 нафар фарзанди учун махсус майдонча, футболчи ва унинг турмуш ўртоғи Жоржиня Родригез учун шахсий пляж ҳам мавжуд. Интерьерда олтин кранлар, италянча мармар ва махсус буюртма асосида тайёрланган Louis Vuitton фрескаси ҳам борлиги маълум қилинган.
Шунингдек, Роналду янги уй яқинидаги гольф майдонини ҳам сотиб олишга уринган, аммо таклиф қабул қилинмагани ҳақида хабар берилган.
Бу уй португалиялик футболчининг янги ҳаёт тарзига мослашган ва унинг молиявий ҳолатини, шунингдек, оилавий ҳаётига бўлган диққатни кўрсатади.
“Zamin”ни Telegram'да ўқинг!
