Оқ уй Конгрессга Nvidia ва AMD чипларининг Хитой ва бошқа давлатларга сотилишини чекловчи қонун лойиҳасини рад этишни сўраб мурожаат қилди, деб хабар берди Bloomberg. "GAIN AI Act" деб номланган мазкур ҳужжат АҚШ мижозларига экспорт қилинадиган чипларга биринчи бўлиб кириш ҳуқуқини беришни талаб қилади.
Нашрнинг маълумотларига кўра, маъмуриятнинг бундай позицияси Nvidia компанияси учун ғалаба бўлиши мумкин, чунки компания ушбу ҳужжатни рад этиш учун фаол лоббичилик қилмоқда. Nvidia компанияси АҚШ истеъмолчилари унинг маҳсулотлари танқислигига дуч келмаётганини таъкидламоқда.
Шу билан бирга, Конгресс Пекиннинг сунъий интеллект соҳасидаги амбицияларини чеклаш тарафдори. Агар ҳужжатнинг биринчи версияси қабул қилинмаса, муҳокама учун бошқа қонун лойиҳаси таклиф қилиниши режалаштирилган.
Унга кўра, АҚШ Савдо вазирлиги Хитойга H20 моделидан кучлироқ чипларни сотиш бўйича аризаларни рад этиш ҳуқуқига эга бўлади. Ҳозирча ушбу икки қонунчилик ташаббуси бўйича қарор қабул қилинмаган.
Меҳмон гуруҳидаги фойдаланувчилар ушбу мақолага изоҳ қолдира олмайди.
