Oq uy Kongressga Nvidia va AMD chiplarining Xitoy va boshqa davlatlarga sotilishini cheklovchi qonun loyihasini rad etishni so'rab murojaat qildi, deb xabar berdi Bloomberg. "GAIN AI Act" deb nomlangan mazkur hujjat AQSh mijozlariga eksport qilinadigan chiplarga birinchi bo'lib kirish huquqini berishni talab qiladi.
Nashrning ma'lumotlariga ko'ra, ma'muriyatning bunday pozitsiyasi Nvidia kompaniyasi uchun g'alaba bo'lishi mumkin, chunki kompaniya ushbu hujjatni rad etish uchun faol lobbichilik qilmoqda. Nvidia kompaniyasi AQSh iste'molchilari uning mahsulotlari tanqisligiga duch kelmayotganini ta'kidlamoqda.
Shu bilan birga, Kongress Pekinning sun'iy intellekt sohasidagi ambitsiyalarini cheklash tarafdori. Agar hujjatning birinchi versiyasi qabul qilinmasa, muhokama uchun boshqa qonun loyihasi taklif qilinishi rejalashtirilgan.
Unga ko'ra, AQSh Savdo vazirligi Xitoyga H20 modelidan kuchliroq chiplarni sotish bo'yicha arizalarni rad etish huquqiga ega bo'ladi. Hozircha ushbu ikki qonunchilik tashabbusi bo'yicha qaror qabul qilinmagan.
Mehmon guruhidagi foydalanuvchilar ushbu nashrga izoh qoldira olmaydi.
