17:30 / 21.01.2020

АҚШда 6 ёшли бола Австралияга кўмаклашиш учун лойдан коалалар ясаб 174 минг доллар йиғди

^{Фото: Meduza}
Австралиядаги ўрмон ёғинлари оқибатида ярим миллиарддан кўпроқ жониворлар нобуд бўлди, деб хабар беради Meduza'га таяниб Дарё.

АҚШнинг Массачусетс штатида яшовчи Оуэн Колли нобуд бўлаётган жониворларни қутқаришга қарор қилди.
Австралия унинг учун бегона мамлакат эмас, боланинг отаси Сидней шаҳрида ўсиб улғайган. Боланинг ўзи ҳам у ерда бир неча ой яшаган.

Колли ва унинг ота-онаси Австралиядаги ёнғинларга қарши курашиш кампаниясини эълон қилди. Улар кўнгиллилардан пул йиғиб, Янги жанубий Уэльсга — қутқарувчиларга юборади.

View this post on Instagram

We wish we could send a clay koala to everyone in the world - your support, generosity, and kindness have been truly amazing????As this campaign continues to soar beyond what we ever thought possible, we unfortunately need to put a cap on the number of clay koalas we make and send - this will happen at 11:59 pm PST on Sunday, January 19th. With this said, all donations are still greatly appreciated. Thank you all for helping a little boy do a BIG thing?❤️??

A post shared by Little Clay Koalas (@littleclaykoalas) on Jan 19, 2020 at 6:30pm PST

50 Австралия долларидан кўпроқ хайрия қилган одамларга Колли оиласи сопол коалаларни совға қилади. Бундай коалани ясаш учун уч-тўрт дақиқа вақт кетади, шундан сўнг улар печга солиб, тобланади.

Оуэн хайрия кампаниясидаги энг севимли жараёни коалаларни ясаш эканлигини айтиб ўтган.
Дастлаб минг Австралия долларини йиғиш режалаштирилган эди. Бироқ бола ва унинг ота-онаси бир ҳафта ичида 250 минг Австралия доллари (тахминан 174 минг АҚШ доллари) тўплашга муваффақ бўлди.

View this post on Instagram

Owen’s little clay koalas are flying off the shelves...err pots ?? #owensrescue #littleclaykoalas #owensclaykoalas

A post shared by Little Clay Koalas (@littleclaykoalas) on Jan 15, 2020 at 10:36am PST

Ўйинчоқ коалалар шу даражада оммалашдики, бола ва ота-онасида уларни ясаш учун лой тугаб қолди.

Қутқарувчилар ўзларининг Facebook’даги саҳифасида ёнғинларга қарши кураш ва уларнинг оқибатларини бартараф этиш учун пул маблағлари кераклигини маълум қилди. Уларнинг сўзларига кўра, 50 Австралия долларига опоссум учун қафас сотиб олиш мумкин. Шунинг учун Колли ва унинг ота-онаси қолганлар ҳам улардан ўрнак олиб, қутқарувчиларга ёрдам беришига умид билдирмоқда.