Эримайдиган музқаймоқ

Ёзнинг иссиқ кунларида музқаймоқ энг севимли ширинлик бўлса-да, у тезда эриб, панд бериши мумкин. Энди олимлар бу муаммони ҳал қилиш йўлида қизиқарли тажрибалар ўтказмоқда.

Япониянинг Kanazawa Ice компанияси бир неча йил аввал эримайдиган музқаймоқ ишлаб чиқди. Унинг сири меваларда учрайдиган антиоксидант моддаларда эди. Бу моддалар музқаймоқ таркибини барқарорлаштириб, уни иссиқликда ҳам шаклини сақлаб қолишига ёрдам беради.

Америкалик озиқ-овқат технологи Kameron Viks танин кислотасидан фойдаланиб, музқаймоқ таркибини янада барқарор қилиш устида ишлади. 3% концентрациядаги аралашма қаттиқлашиб, ҳатто пичоқ билан кесиладиган ҳолга келди.

Бундай музқаймоқ эримайди, лекин охир-оқибат пудингга ўхшаб қолади. Олимлар уни “музқаймоқ учун эластик либос”га қиёслайди — яъни шаклни сақлаб беради, лекин совуқликни эмас.

Антиоксидант моддалар музқаймоқни узоқ сафарларда ёки иссиқ об-ҳавода барқарор тутиш учун фойдали бўлиши мумкин. Аммо уларнинг лаззат ва тузилма борасидаги қабул қилиниши истеъмолчиларга боғлиқ.