
Исроилнинг 600 нафардан ортиқ собиқ хавфсизлик ходимлари, жумладан Моссад ва Шин Бет раҳбарлари АҚШ президенти Доналд Трампга очиқ мактуб йўллаб, Ғазодаги урушни зудлик билан тўхтатишга ёрдам беришни сўрашди.
Уларнинг фикрича, Ҳамас энди Исроил учун стратегик таҳдид эмас, уруш эса ўзининг адолатли асосларини йўқотган.
“Сизнинг исроилликлар орасидаги обрўйингиз ҳукуматни тўғри қарорга ундаши мумкин: урушни тўхтатинг, асирларни қайтаринг, азобни тугатинг,” — дейилади мактубда.
Ушбу мурожаат, Ғазодаги ҳарбий амалиётлар кенгаётган бир пайтда, халқаро ҳамжамият ва жамоатчилик босими кучайиб бораётган паллада эълон қилинди.
Уруш бошланганидан буён 60 мингдан ортиқ одам ҳалок бўлган, юзлаб бола очликдан нобуд бўлган. БМТ вазиятни "очарчиликнинг энг ёмон сценарийси" деб атади.
Собиқ амалдорлар Доналд Трампни Ливан урушида қилган аралашувини эслатиб, энди Ғазода ҳам тинчликка ҳисса қўшишга чақирмоқда.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар