Технологиялар дунёни ва меҳнат бозорини ўзгартирмоқда. Янги технологиялар дунёда 85 млн кишини ишсиз қолдириши мумкин. Бироқ кейинги 5 йил ичида технологиялар ривожланиши ҳисобига махсус малакаларни талаб қилувчи янги иш ўринлари пайдо бўлиши мумкин.
Дунёнинг 26 та давлатида 2025 йилгача янги технологиялар татбиқ қилиниши сабабли 85 млн киши ишсиз қолиши мумкин. Шу билан бирга янги технология ва алгоритмлар татбиқ қилиниши ҳисобига шу давр ичида 97 млнта янги иш ўрни пайдо бўлиши мумкин.
Бундан Жаҳон иқтисодий форумининг The Future of Jobs 2020 (Иш ўринларининг келажаги 2020) деб номланган маърузаси дарак бермоқда. Маъруза форумнинг турли соҳаларда фаолият юритувчи 300 та йирик компания бошқарувчилари ўртасида ўтказган сўровномаси асосида тузилган.
Юқоридаги рақамлар одамлар робот ёки махсус дастурлар билан шунчаки алмаштирилишини англатмайди. Бироқ инсон ва машина меҳнати нисбати ўзгаради.
Форум экспертларининг таъкидлашича, иш берувчилар маънан эскирган вакансияларни фаол равишда ёпиб, давр талабларига жавоб бермайдиган ходимларни ишдан бўшата бошлайдилар. Шу билан бирга иш ўринлари алгоритмлар билан биргаликда самарали ишлай оладиган одамлар ҳисобига кўпаяди.
Сўровномада иштирок этган 42 фоиз компания 2025 йилгача янги технологиялар сабабли иш ўринларини қисқартиришни, 41 фози махсус ишларни бажариш учун пудратчилардан кенг фойдаланишни, 34 фоизи ишчилар сонини кўпайтиришни режалаштирмоқда.
Янги технологиялар киритилиши билан кейинги 5 йил ичида 40 фоиз ходимлар қайта малакалашдан ўтишига тўғри келади. Компаниялар ўз ходимларини қайта малакалашига катта маблағ сарфлашига тўғри келади. Бироқ иш берувчиларнинг аксарияти бу жараённинг харажатлар ва кейин берадиган самара нуқтайи назаридан самарали эканини англашмоқда.
Ҳисоботда таъкидланишича, пандемия даврида онлайн-ўқишга талаб 4 марта ошган. Ҳозирда банд бўлган одамлар шахсий малакаларни ошириш учун тобора кўпроқ онлайн-курслар излашмоқда. Ишсиз одамлар эса рақамли технологиялар, маълумотлар таҳлили, информатика ва ахборот технологияларини ўрганишни устувор қўймоқда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоир Мирзаев “Телефонсиз мактаб”га 300 млн сўм мукофот берди
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
АҚШнинг Ғазодаги сиёсатидан норози Давлат департаменти расмийси истеъфога чиқди
Мария Захарова украиналикларни Америка ҳиндуларига ўхшатди
Испания ва Греция Киевга Patriot тизимларини етказиб беришдан бош тортди
Руслар Abrams танкларининг заиф томонини топишди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
