Италиялик рассом Маурицио Каттелан яратган 18 каратли олтин ҳожатхона яқин орада аукционга чиқади, деб хабар берди ABC News.
Бу "Америка" деб номланган ноодатий асар 101 килограмм тоза олтиндан ясалган бўлиб, 18 ноябрь куни Нью-Йоркдаги Sotheby’s аукционида 10 миллион доллардан савдога қўйилади.
Аукцион вакиллари маълум қилишича, харидорлар нархни онлайн кузатиб бориш имконига эга бўлади. Бироқ эксперт Девид Гальперин бу асарга "ўтириш" мумкин эмаслигини, унинг санъат қиймати бошқа нарса эканини таъкидлади.
Маълумот учун, "Америка" номи берилган ҳожатхонанинг илк версияси 2016 йилда Нью-Йоркдаги музейда ўрнатилганди. Аммо 2019 йилда у ўғирлаб кетилган. Кейинроқ рассом унинг янгиланган нусхасини яратиб, яна жамоатчиликка намойиш этди.
Каттеланнинг сўзларига кўра, бу асар чексиз бойлик ва инсоннинг шон-шавкатга бўлган ҳаддан ташқари интилишини ифода этади. Аукцион мутахассислари эса нархнинг кескин ошиши мумкинлигини таъкидламоқда.
Аввалроқ эса Америкада Somatis номли стартап жамоат ҳожатхоналарини автоматик тозалайдиган роботни ишлаб чиққанини маълум қилган эди.
“Zamin”ни Telegram'да ўқинг!
