Муваффақиятли тадбиркорларнинг ўз ишини ташкил этмоқчи бўлганларга иштиёқ берадиган тавсиялари.
1. Ҳаракатларингизни режалаштиринг
Муваффақиятли стартап яратиш учун аниқ мақсадга эга бўлиш лозим. Бироқ бу энг муҳими эмас. Мақсадга эришишнинг қадам-бақадам режаси бундан-да муҳим саналади.
Фаол ҳаракатларга киришишдан аввал стратегия ишлаб чиқинг. Бизнес-режани тайёрлаш эҳтимолдаги хатоларга йўл қўймаслик ва исталган натижаларга эришиш имконини беради.
“Кўп йиллар аввал кимдир дарахт эккани учун бугун ўзгалар сояда ўтирибди”.
Уоррен Баффет, тадбиркор, дунёдаги йирик сармоядор
2. Бизнесингизни реклама қилинг
Агар маҳсулот ва хизматингизнинг афзаллик жиҳатлари ҳақида гапирмасангиз, у ҳақида ҳеч ким тасаввурга эга бўлмайди. Бугун ўз-ўзини реклама қилиш учун ижтимоий тармоқлар аъло даражадаги восита саналади. У ерда сизни кўплаб истиқболдаги мижозлар танишади.
3. Мижозлар манфаатини ҳисобга олинг
Ҳар қандай стартапнинг бирламчи вазифаси – мижозлар эҳтиёжларини қондириш. Мижозлар билан яхши муносабатлар – муваффақиятли бизнес калити.
“Бизнеснинг мақсади – мижоз яратиш ва уни ушлаб қолиш”.
Питер Друкер, иқтисодчи, менежмент назарияшуноси, ёзувчи
4. Таваккалдан чўчиманг
Акс ҳолда одатий чегаралардан чиқа олмайсиз. Дастлаб кўплаб таваккал қадамлар ташлашга тўғри келади. Олдингизда мураккаб танлов бўлади. Бироқ хатолар қилишдан чўчиманг. Чекинманг ва олға ҳаракат қилишда давом этинг.
“Шу қадар тез суръатларда ўзгараётган дунёда муваффақиятсизликка учрашнинг энг ишончли усули – таваккал қилмаслик”.
Марк Цукерберг, Facebook асосчиси
5. Ирода кучини йўқотманг
Кимдир муваффақиятингизга шубҳа билан қарайди. Яна бошқа биров муҳокама қилади. Бошқаси эса сизни тўхтатишга интилади. Соғлом бўлмаган танқидга эътибор берманг. Агар бирор нарсага қарор қилган бўлсангиз, мақсадингиз сари олға қадам ташланг.
“Ишончим комил, муваффақиятли тадбиркорни муваффақиятсизидан сабр ва қатъият ажратиб туради”.
Стив Жобс, Apple асосчиси
Манба: Kun.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоир Мирзаев “Телефонсиз мактаб”га 300 млн сўм мукофот берди
Германияда мактаб ўқувчилари оммавий равишда ислом динини қабул қилмоқда
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Россия дунёдаги биринчи водород ёқилғили автомобилни тақдим этди
