Енді гепатит С тесті үшін 2 сағат күтудің қажеті жоқ

Ресейде С гепатит вирусын анықтауға арналған әлемдегі алғашқы экспресс-тест әзірленді. Бұл туралы Роспотребнадзор мамандары хабарлады.

Олардың айтуынша, жаңа тесттің басты артықшылығы - нәтижені өте жылдам алу мүмкіндігі. Бұрын вирусты анықтау үшін зертханалық талдау нәтижесін күту бір жарым-екі сағат уақыт алатын болса, қазір бұл процесс бар болғаны 25-30 минутқа созылады.

Мамандардың айтуынша, бұл инновациялық әдіс медициналық тәжірибені жеңілдетеді, әсіресе С гепатитімен байланысты ауруларды ерте анықтау мен емдеуде маңызды.

Жаңа тесттің сынақтан өткен үлгілерін Ресейдің жетекші медициналық орталықтарында тәжірибеге енгізу жоспарлануда.