Нью-Йорк әуежайында екі Delta ұшағы соқтығысты

Нью-Йорк қаласындағы Ла-Гуардия әуежайының ұшу-қону жолағында күтпеген жағдай болды – екі ұшақ бір-бірімен соқтығысты.

ABC News мәліметінше, оқиға нәтижесінде бір жолаушы жеңіл жарақат алған. Ақпаратқа қарағанда, ұшақтардың бірінің оң қанаты екіншісінің алдыңғы бөлігіне соғылған.

Екі әуе кемесінің де АҚШ-тың ірі әуе компаниясы Delta Air Lines паркына тиесілі екені атап өтілуде.

Қазіргі уақытта құзырлы органдар оқиғаның себептерін зерттеп жатыр.